بقلم: وجدان جمال الدين
مين الشخص المؤذي؟ إزاي أقدر أعرفه وأميزه، وأرفض ممارساته العنيفة تجاهي سواء نفسيًا أو جسديًا؟ المؤذي مش بيشوف نفسه مؤذي، بيشوف نفسه حلو وجميل ومحصلش، ويمكن بيشوف مفيش منه اتنين في الكون.
احترس من الشخصية المؤذية
“الإنسان المؤذي“.. مش بيقتصر المصطلح ده على الشخص اللي ممكن يدبرلك أي شر، لا، المصطلح ده بيطلق على كل الأشخاص اللي ممكن يتسببوا في أذي لمن حولهم، سواء أذي نفسي او معنوي.
الإنسان المؤذي بيتلفظ كلام مسموم دايمًا، بيسحب الطاقة من اللي حواليه وبيطفي نور أي حد، عشان ينور هو، أو حتى مش لازم، هو بيكتفي إنه طفا نورك، وده بيغذي نشوة الانتصار عنده.
تعرفي على:دليل الشخصية النرجسية: من هي؟ سماتها، خطورتها وكيف يمكن التعامل معها
صفات الشخصية المؤذية
الإنسان المؤذي واللي مستمر في أذاه، مستحيل يعترف بغلطه، هو مبيغلطش، هو دائمًا صح، والعمى عنده مستمر، حتى لو جبتله أكبر مراية هيشوف نفسه حلو وجميل ومحصلش، وإنه خسارة في البلد وفي الناس وفي الكوكب.
الإنسان المؤذي يحرق نفسه داخليًا، وغير سوي، وغير سليم، ويحرق كل من حوله دون شعور.
كيف أميز العلاقة المؤذية؟
العلاقات المؤذية منتشرة حوالينا للأسف، بس ممكن من هول واستمرار الأذى منشوفش كويس، ونعتقد إن “الإنسان ده بيحبني بس هو عصبي شوية”، أو مثلاً “الإنسانة دي بتحبني بس هي بتغير مني شوية” أو “الإنسان ده بيحبني بس هو بيغير عليَّ وقافل عليَّ في قمقم” أو “الإنسانة دي بتحبني بس هي بتحب نفسها أكتر”، كل دي علاقات سامة ومهلكة ومؤذية، ما دامت زادت عن الحد الطبيعي المعتاد المقبول.
أي شيء متطرف يعني extreme ritgh or extreme left بيكون شيء مش مقبول ومش طبيعي. محدش يقول ده بيحبني بس عصبي، بيضربني لما بيتعصب أصله مش بيمسك أعصابه. محدش يقول هي بتحبني بس بتحقد عليَّ أصلها بتحب نفسها بشكل جنوني، أصلها بتتضايق لما حد بيوصل أو بيحقق نجاح وهي لا.
أي علاقة سامة ومؤذية، نحاول نفلتر ونشوف كويس قوي، ممكن يكون أقرب حد ليك بياكل من روحك، وممكن تتحول إنت لشخص زيه. حاول تفلتر وتشوف. خليك شخص ناجي مش ضحية.
