بقلم/ مروة هادي
من الصعب أن أشرح لكم مدى الشعور بالوجع والضعف والقهرة، أنا بنت عمري ما خرجت برة الدار ولا روحت مدارس ولا بعرف حاجة عن الدنيا، وكنت دايمًا بشوف البنات وهما بيلعبوا قدام البيت أو يروحوا للمدرسة، وأنا مفيش أي حاجة من دول، حاولت أقنع نفسي إن ده مش مكتوبلي وربنا مخبيلي الأحسن، بس من سوء حظي كان القدر بيختبرني.
يقال:
لا تشكو للناس جرحًا أنت صاحبه لا يؤلم الجرح إلا من به ألم
ما هي أضرار ختان البنات
وأنا صغيرة وأنا لسة معرفتش حاجة من الدنيا، وفي ليلة كده قمت أشرب، مريت من جنب غرفة أمي وأبويا، وسمعتهم بيقولوا لازم نطاهر البنت عشان كبرت، بدل ما تجيبلنا العار وسط الناس.
وكنت بسمعهم وهما بيتفقوا إزاي هيقنعوني بإني أعمل ده.. وقتها مشفتش غير باب البيت قدامي، فتحته وهربت عند ستي، وقولتلها كل حاجة، والمصيبة إن ستي كانت بتفكر زيهم بالظبط
وفضلت تقنعني إن ده صح ولازم أعمله زي البنات، وقالت إن كل البنات كده. رجعتني من الفجر لبيت أهلي، وقالتلهم على اللي حصل.
يومها أخدت علقتين من أمي وأبويا على اللي عملته، وبنفس اليوم جابوا الست وربطوني، وأبويا مسكني من راسي وقالي شوفي هنعمل فيكي إيه، عشان متحاوليش مرة تانية تعملي اللي عقلك بيقولك عليه.
حاولت أغمض، بس هو كان بيضربني كل ما بغمض، وشفتها وهي بتطلع آلة حادة وتقرب مني وتذبحني بكل برود، ولا همها عياطي ولا وجعي.. شفت الدم اترعبت،
رعبة الدم كانت أكثر من الوجع اللي قتل روحي، كمِّلت عملتها وقومني على غرفتي وأنا فيَّ وجع محدش حاسس بيه وبنزف بشكل رهيب.
تعرفي على: سلبيات ختان الاناث ومخاطره، تاثير الختان على العلاقة الحميمة
خطورة ختان البنات
أمي يومها غيرتلي أكثر من 15 مرة، بس كنت بنزف أكتر، والوجع بيقتلني، وبدأت بشرتي يتغير لونها، بدأت أكون في عالم تاني معرفش حد فيه، بس شكلهم كانوا ناس طيبين، قالولي متخافيش وجعك هيروح بعد شوية، استحملي إنتي بس.
بعد كام ساعة دخلت أمي عشان تطمن عليَّ، كلمتني، وأنا كنت برد، بس مكانتش بتسمع، شوفت شكلها وهي مرعوبة، وراحت عند أبويا وبتقوله البنت لا حس ولا نفس،
أنا وقتها حسيت براحة، ومفيش نزف ورجع جسمي طبيعي، قلت أكيد اللي أنا حسيته من شوية ده حلم وهفوق، بس وقتها دخل أبويا وأخد بنت من السرير كلها دم وشكلها مرعب زي الفرخة المذبوحة، وأمي وراه بتصرخ، وراحوا على المستشفى وأنا بنده عليهم، إيه مالكم؟! ليه محدش بيرد عليَّ؟! ماما؟!
ماما؟! ستي؟! حاولت ألمس أي حد فيهم، بس مكنتش بقدر، كنت عاملة زي الخيال، ولما قربت على البنت اللي كانوا بيعيطوا جنبها، لقيتها شبهي، اتصدمت.. مين دي؟! ومنين جت؟! رجعت لمحاولاتي الفاشلة بإني أكلم أي حد فيهم أو حد يسمعني، ولكن لا حياه لمن تنادي.
تعرفي على: 4 خطوات لإصلاح ما أفسده الختان
تحريم ختان البنات
لحد ما جت بنت صغيرة وقالتلي تعالي إنتي بقيتي واحدة مننا، ربنا هيحافظ علينا.. وسحبتني من إيدي ورحنا على مكان زي الجنينة، قالتلي متخافيش إنتي بدأتي حياتك دلوقتي، اللي تحت دي كانت تجربة، وللأسف تجربة مؤلمة، وهشرحلك تفاصيلها بس اقعدي وروقي. وبعد شرح طويل اكتشفت إني مُت، أيوة أنا ميتة بسبب الضرب والجرح والنزف والعنف اللي شفته آخر يوم في حياتي.. ربنا يسامحهم ويجازيهم.
وقتها حسيت براحة ومفيش نزف ورجع جسمي طبيعي.
