هبه
تابعنا في الجزء الأول أنواع اللحوم طبقا لسن الماشية وبعض أقسام الدبيحة ودلوقتي هانكمل ونشوف باقي الأقسام..
أنواع قطعيات اللحمة
الإنتركوت
الإنتركوت.. جزء من الصدر
بالإنجليزي اسمه الــ rib eye ودي أهم وأفضل حتة في الدبيحة كلها تنفع للستيك اللي بنشوف عليه خطوط الشواء المميزة. سريعة تماما في الشوي والتحمير ونسبة دهونها متوازنة وده اللي بيديها الطعم المميز.
البيف فيليه
البيف فيليه.. منها بتطلع الـ T bone steak أو حتة الستيك اللي فيها عضمة على شكل حرف T، واللي بتكون مميزة جدا بشكلها وطعمها حلو وغالية جدا كمان .من الحرام بصراحة إننا نظلمها بإننا نقطعها أو نطبخها بأي طريقة غير الستيك ده.
الــ Rump
الــ Rump أو باقي امتداد البيف فيليه، دي سعرها أرخص من الريب آي (نمرة 7)، وفي الوقت نفسه مناسبة تماما للشوي ولعمل الستيك.
تعرفي على: أنواع الشوايات بالمميزات والعيوب، وأفضل أنواع المشويات
وش الفخدة
وش الفخدة مكونة من عضلات قوية جدا.. ألياف خشنة وصعبة.. طعم غير مميز عشان مافيهاش دهون خالص تقريبا. دي مناسبة تماما لمفروم العصاج وكمان مناسبة لعمل الاسكالوب بانية والبوفتيك.
أضلاع الصدر
أفضل حاجة للحتة دي هي الشوي بكل أنواعه، يعني ممكن نعملها كباب أو شوي بطيء وتتقطع شرايح أو تحمير سريع أو تحمير بطئ.
تعرفي على: أنواع سكين المطبخ وأشكاله واستخداماته المختلفة
ضهر الفخدة
ضهر الفخدة خالية من دهون وأليافها ناشفة وقوية جدا ومفتلة، حتى مع السلق البطيء مش بتستوي كويس،
الأفضل ليها الفرم وبالذات إنها مفيش فيها دهون، فاهتبقى مفروم صافي وده أغلى أنواع المفروم، أو تتعمل شاورمة (شوي بطيء وتقطيع رقيق جدا).
الفيليه أو عرق الفيلتو
دي بقى أفضل جزء لأنها أطرى وأرق حتة في الدبيحة كلها. مش بتاخد وقت خالص في التسوية، يا إما تتعمل على بعضها عرق لحمة باردة أو فيليه أو بيكاتا مع صوص أو ستير فراي (التحمير السريع زي الأكل الصيني).
تعرفي على: استخدامات الميكرويف: 14 شيء لا توضع في الميكرويف
الخاصرة أو هبرة البطن
حتة لحمة رقيقة جدا وطعمها مميز جدا وفيها نسبة من الدهون. مناسبة لكل حاجة من أول السلق لحد الشوي والكباب والتحمير والفرم.
شكرا جزيلا
بحثت عن الجزء الاول ولم اجده ممكن ارسال اللينك حقه في ايميل