بقلم/ مروة محمود
1- حب نفسك (NOBODY LIKE YOU)
أيوه حبها، قدر ذاتك واحترمها، اتعامل دايمًا مع نفسك إن مفيش حد شبهها، إنت واحد، مش نسخة.
2- مش لازم تعجب الكوكب كله
متستناش إجماع الكل عليك، الكل مليان عيوب ومليان برضو مميزات، إجماع الناس عليك أو حتى حبهم ليك ميكونش هدفك في الحياة، دائمًا اعمل اللي تحسه.
3- دوّر على راحتك
مترغمش نفسك على قاعدة، ولا على شغلة مش بتحبها، اتعود تختار راحتك في علاقتك وشغلك وحياتك.
4- فسّح نفسك
مفيهاش حاجة إنك تخرّج نفسك وتعزمها على أكلة حلوة، وتجيبلها طقم وجزمة جديدة، ومش هيجري حاجة لو مشيّت نفسك شوية بس مش بالعربية.
5- اتعوّد متشكيش همك لحد
عارفة إن الكلام مع حد بتحبه ويحبك وترتاح معاه مهم جدًا وبيطلع طاقاتك السلبية، بس إيه ذنبه الشخص اللي قدامك في طاقاتك دي، ما هو كمان قرفان والدنيا مسوّية الكل على نار عالية.
6- افتكر لحظات نجاحك وفرحك
الإنسان بطبعه كائن كئيب، بيدوّر على الحزن في لحن أو في كلمة، وجع، فشل. مفيهاش حاجة لو دوّر على وقت نجح فيه وفرح من قلبه.
7- متتجوزش غير حبيبك
بمعنى متتجوزش عشان فلان ابن علان اتجوز وإنت خلاص راحت عليك، على فكرة الإنسان ملوش صلاحية زي أي منتج على الكوكب، الإنسان لآخر لحظة في عمره بيحب وقلبه بيدق، كمان الحشرات بتتزاوج عادي والله، يعني اللي اتجوز معداش المانش ولا اخترع اختراع مزهل للكوكب.
8- استفتِ قلبك
القلب مش خيبان زي ما بيقولوا، القلب له عيون بصيرة جدًا أكتر من كل حواسك الخارجية، امشي ورا قلبك بس بحساب.
9- Baird’s of features flock to gather
ده مثل إنجليزي بحبه جدًا، الطيور على أشكالها تقع، اللي ماشي جنبك ده إنت بس في صورة شخص تاني، حاول تختار أصحاب ومين يدخل دايرتك.
10- الحياة مش سهلة بس مستاهلة
متستسلمش، لمُرّها ولحزنها، فكّر إن بعد كل تعب راحة، وإن دايمًا وضعك السيئ مؤقت.
11- قاطع المحبطين
12- متبصش ورا
اتعلم من اللي فات بس متقفش عنده كتير، خلي الخيبات مصدر نجاحاتك.
13- لا تخبروني عمن يكرهني أو يتكلم عني، اتركوني أحب الجميع، وأظن أن الجميع يحبني..
“نجيب محفوظ”
14- حافظ على الطفل اللي جواك
يعني وقت ما ييجي الفرح افرح كأنك مفرحتش قبل كده، وخلي الطفل اللي جواك يتصرف.
15- خلي بالك على حبايبك
