حرف النون اتعمل كمان مش عشان يعبر عن النسوة – جرف النون اصلا اتعمل عشان يعبر غن الشراكة هنعمل ،، هنجيب / ،، مليون نون كلهم احلى من بعض ! و ف الاخر برضه النون بتعبر عن هنسيب بعض ! 🙂 استغلوا النون احسن استغلال خليكى للشخص ده افضل نون شافها ف حياته ،، افيد نون ،، اطيب نون و ف الاخر اكتر نون هتقدر انه ماقدرش يكمل معاكى الكلمة اللى انتى عايزة تسمعيها و خليكى فاكرة ان من اهم تأويلات حرف النون نون نقول
فى بداية اى علاقة بيكون محور الكلام عن انكوا بتحبوا ايه و عايزين ايه و كأن كل واجد بيعمل بريزنتشين عن نفسه و المستمع بيدور على نفسه فى كلام التانى و بيدور على نقاط نور تنور لك طريق بداية العلاقة….. و بعد ما تلاقى فيه الراجل اللى لابس عباية و بيحقق الاحلام _ المسمى عم حزومبل _ او هو يلاقى فيكى الساحرة الطيبة هنا نيجى لاهم نون
نون نكون
،، مين اللى روحه اتشبعت بالتانى اكتر ! مين اللى بيردد كلام التانى . الحرب هنا بتتمثل فى ان احدى الطرفين عايز يفصل التانى على مقاسه ! مين اللى حقوقه اكتر ع التانى ؟ مين من حقه يغير ع التانى اكتر او ازاى؟ مين اللى ليه حق يسأل اكتر ؟ مين اللى يقول بحبك الاول- متعارف عندنا- ان بحبك لو ما طلعتش صريحة من الولد تبقى العلاقة دى مش علاقة حب. و متعارف برضه ان البنت لو قالت بحبك _ اها بحبك _ تبقى غلطانة ! اللى جواية زى اللى جواك فلو انت قادر تخبيه فانا ماقدرش ! الحكاية باختصار ان فى ناس تقدر تستهلك مشاعرها و كأن المشاعر لو فضلت متعطلة هتبوظ !
نون نجرب
العلاقات مش باسورد الفيسبوك و لا اسئلة عمال على بطال العلاقات يعنى انا و انت ! يعنى الخطوة اللى باخدها هتخطيها رجلى فوق رجلك و العكس صحيح. يعنى لو بنعمل ده من غير ما نقول لبعض اننا بنحب بعض نبقى بنضحك على بعض و لو بنعمل ده و احنا مفهمين بعض اننا مجرد يبقى بنستهلك مشاعر خايفين تبوظ و ف الحالتين بنضحك على نفسنا قبل ما نكون بنضحك على بعض و هنا اسوا نون و هى نون نضحك!
و اخيرا نون ندم
مش هقول زى ما الناس كلها بتقول انا هاسيب مشاعرى متعطلة لحد ما يجى حد يشغلها معاية . مش عيب انك تشغلى مشاعرك ف المكان المناسب و ما تندميش انك و انتى ف مرحلة التشغيل وقفت منك تانى او اشتغلت ازيد من اللازم ! على الاقل كسبتى انك عرفتى طريقة تشغيلها. ما تندميش برضه انك خليتى شخص مش ليكى يشغلها اكيد هو كمان كان محتاجك ف وقت معين – محتاج يبقى مسئول عن حد ف مرحلة معينة ف حياته و ف الاخر اوعى نون كلمة ندم على انك بقينى نون حياه حد يدخل قاموس احاسيسك
