شم النسيم من أقدم الأعياد التي بيحتفل بيها المصريين، ومش هنكون بنبالغ لو قلنا إن من أقدم الأعياد اللي ما زالت طقوسها حية من آلاف السنين على مستوى العالم كله. ومن أهم طقوس شم النسيم عند المصريين أكل البيض الملون والسميط، أو الخبز المضفور اللي بنعمله مخصوص لفطار اليوم ده. والنهارده هنقدملكم طريقة مضمونة لعمل خبز شم النسيم.
المقادير:
2 معلقة صغيرة من الخميرة الجافة.
1 كوب من اللبن الدافئ.
4 ونصف كوب دقيق.
كوب إلا ربع سكر.
نصف ملعقة صغيرة من الزعفران البودرة.
ربع كوب من الماء المغلي بالإضافة إلى ملعقة صغيرة من الماء.
ربع كوب من الزبدة مذابة ومبردة.
3 بيضات.
1 معلقة كبيرة من بشر البرتقال.
رشة ملح.
الطريقة:
1ـ في وعاء كبير تذاب الخميرة في الحليب الدافئ.
2ـ يضاف إلى مزيج الخميرة واللبن نصف كوب دقيق وربع كوب سكر ويقلب المزيج، ويغطى بغطاء بلاستيك ويترك لمدة ساعة واحدة.
وده هيكون شكله بعد ما يخمر:
3ـ يضاف الماء والزعفران البودرة وبيضتين إلى خليط الخميرة ونقلبه كويس.
4ـ يضاف بشر البرتقال وتنخل الـ4 أكواب المتبقية من الدقيق ونصف كوب السكر المتبقي والملح، ويقلب الخليط بمعلقة خشب لحد ما يصبح عجين.
وده هيكون شكله أثناء العجن:
5ـ يعجن العجين لحد ما يصبح أملس لمدة 10 دقايق تقريبًا. ويشكل على شكل كرة بعدين ينقل إلى وعاء مدهون بالزبدة. ويغطى ويترك ليتخمر لمدة ساعتين.
وده هيكون شكله بعد ما يتعجن:
وده هيكون شكله بعد ما يتخمر:
6ـ يضغط على العجين وينقل لسطح مغطى بشوية دقيق، ويقسم لـ3 قطع متساوية، وتفرد كل قطعة على شكل حبل. وتضفر الحبال الثلاثة حتى نحصل على ضفيرة طويلة من العجين.
7ـ يوضع الرغيف في صينية خبز مدهونة بالزبدة، ويغطى بشكل فضفاض بغلاف بلاستيك وتترك لمدة ساعة لتتخمر.
8ـ يسخن الفرن إلى درجة حرارة 175مئوية. تخفق البيضة المتبقية ويدهن الخبز بها، ويوضع في الفرن ويخبز حتى يكتسب اللون الدهبي من 50 إلى 60 دقيقة.
