بيبي كير هو إيدي ورجلي من وقت الولادة، التطبيق ده بيساعدك تسجلي الوزن والطول ومحيط الرأس للطفل من أول الولادة وفي كل زيارة للطبيب، وبيوضحلك من خلال رسم بياني تطور نمو طفلك ومدى تناسبه مع متوسط المعدلات الطبيعية. كمان بيساعدك على تسجيل الأنشطة الحيوية للرضيع، زي الرضاعة سواء طبيعية أو صناعية والأطعمة الصلبة لما البيبي يكبر شوية والحفاضات والتسنين والنظافة والتطعيمات ومواعيد الأدوية. بحيث يبقى عندك تقرير أسبوعي بيوضح كل المعلومات اللي ممكن تحتاجيها أو يحتاجها طبيب الأطفال، وكمان ممكن تستخدميه لأكتر من طفل. وممكن تستخدمي المنبهات المتعددة اللي فيه للتنبيه بمواعيد الرضاعة أو الأدوية وغيرهم من احتياجات الطفل.
التطبيق ده بيساعدك على تتبع الدورة الشهرية وحساب أيام التبويض، وبيساعدك على تسجيل وزنك ودرجة حرارتك والأعراض الجسدية والنفسية المختلفة اللي بتتعرضي ليها كل شهر.
ده التطبيق الخاص بموقع Fly helper، وده أشبه ببرنامج متكامل بيساعدك على تنظيم الأعمال المنزلية وتنظيم وقتك، من خلال تقسيم المهام لمهام أصغر وتقسيم كل جزء في البيت لمجموعة من المهام، والحقيقة إنه سهّل عليّ جدًا تنظيم شغل البيت.
تطبيق بيساعدك على عمل التمرينات في البيت بسهولة، من خلال مجموعة تمرينات، وكل تمرين له فيديو بتتابعي معاه التمرين، هيساعدك جدًا على تنشيط جسمك والحفاظ على لياقتك.
كمان هتلاقي مع التطبيق لينكات لتحميل تطبيقات تانية مشابهة بس كل واحد منهم بيركز على جزء معين في الجسم.
التطبيق ده أخو التطبيق اللي فوق، لو إنتي بتقعدي فترة طويلة على مكتب في شغلك التطبيق ده هيساعدك من خلال تمرينات بسيطة ممكن تعملي أغلبها وإنتي قاعدة على الكرسي أو واقفة في مكانك، بحيث تتجنبي قدر الإمكان الأضرار الجانبية للجلوس فترات طويلة على المكتب.
التطبيق الخاص بالموقع الشهير Baby center واللي هيساعدك على متابعة تطور طفلك واحتياجاته ويجاوب على أغلب أسئلتك سواء الخاصة بيكي أو بطفلك.
تطبيق هيساعدك على متابعة دخلك الشهري ومصاريفك الشهرية، ومن السهل إنك تغيري فيه حسب احتياجاتك، أنا جربت تطبيقات كتير للميزانية وده كان الأسهل والأبسط بالنسبة لي.
التطبيق ده بيخفف من الضوء الأزرق في شاشة الموبايل وبيعدل ألوانها عشان يقلل الضغط اللي بيسببه طول فترة استخدام الموبايل على العين، وبالتالي عينك ترتاح أكتر وتنامي بشكل أفضل.
تطبيق بيساعدك على إعداد قايمة مشتروات لاحتياجات البيت ويفكرك بالحاجات اللي ناقصاكي.
مفيد لو إنتي زيي بتروحي السوبر ماركت تتنّحي وتحاولي تفتكري إيه اللي ناقصك ومتعرفيش.
التطبيق ده بيساعدك تطلبي تاكسي في المكان اللي إنتي فيه من التاكسيات المشاركة في الخدمة، وبيبعتلك اسم ورقم التاكسي، مفيد وآمن وبيجنبك عطلة الوقفة والانتظار، بيحتاج موبايل متصل بالإنترنت، جربته في مصر والسعودية وأعتقد إنه شغال في أغلب الدول العربية.
برنامج هيساعدك على تعلم اللغات المختلفة بطريقة مبسطة، أنا كنت بستخدمه ساعات في المواصلات، وفي الأوقات الفاضية، ده طبعًا لو مش مخصصة وقت بعينه لتعلم اللغة.
آلاف الوصفات اللي بتساعدك على عمل كل الأكلات اللي نفسك فيها من الموقع الشهير Allrecipes.
بتنسي تشربي مية؟ التطبيق ده هيساعدك ويفكرك، كل اللي محتاجاه إنك تدخّلي وزنك في البداية وتسجلي كل مرة تشربي فيها، هيساعدك من خلال رسوم توضيحية وتذكيرات بعدد أكواب المية والكميات اللي جسمك محتاجها.
