احكي يا نون دمنهور – ورشة مجانًا للسيدات فقط

كل واحدة فينا نِفسها تتسمع وتحكى وتكون على طبيعتها بدون ما حد يحكم عليها أو يغلطها، في احكي يا نون هنسمعك ونساعدك تفهمى مشاعرك وتتشجعى تتكلمى عنها، وهتلاقي دايرتك الآمنة اللي تقدري تحكي وتفضفضي وتطلعي كل مشاعرك فيها من غير ما حد يحكم عليكي أو يستهين بمشاعرك.

هيكون فى محاضرة فى الأول عن موضع من الموضوعات النفسية، زى ما اتكلمنا قبل كده عن العلاقات المُسيئة أو الخوف من المجهول أو غيرها من الموضوعات المهمة

بعدها هيكون فى مناقشات حرة عشان كل واحد يعبر عن رأيه
وبعدين مجموعة مساندة نفسية، عشان نفهم مشاعرنا أكتر ونشارك أحاسيسنا مع ناس تانية بتحبنا وتقدّرنا
هنتناقش فى كل حاجة ونتكلم بحرية تامة عن حياتنا والمجتمع والناس المُحيطة وتعاملهم معانا

يعنى إيه مجموعة مساندة نفسية؟
يعنى هنعمل مجموعة تتكون من أفراد يعانون من ضغوط نفسية متشابهة، كلهم أمهات عاملات مثلاً، أو بنات عندها نفس الضغط من المجتمع. هيكون فى منسيقين للمجموعات النفسية عشان يكونوا مسؤوليين عن تسيير الحوار والتفاعل.